|
| 蘇菲小朋友好耐無出現0係我xanga了 終於湊左你出黎玩啦~~~~ 無見一排........你個樣又抵死左 個人又高0左,企得又穩陣0左,仲係咁講BB話~~~ 不過......你唔記得左0的街坊啦Baby......見到人0地就喊搞到人好傷心呀 咁搞法,我去左上海真係妄想你記得我啦 咁我唯有辭職見你多0的啦~~ 哈哈~~!!!我今日同左屎忽boss講幾時唔做啦~~ (希望佢千萬真係要放過我 )   衰樣>.<
  我鐘意除褲先行比你睇~~
  又hiphop啦你!!!
| | |
| 我開始體會到原來MSN block function好有用 especially係用黎對付0的屎忽鬼 Book Fair同Baby Expo 害我由原本引以為榮0既在家工作 轉化成一星期返公司一日夾下野..... 變本加勵到一星期返公司3日...... 其實如果屎忽boss唔0係度我都好樂意返去 聽到0的同事係咁鬧屎忽boss我咩氣都可以消晒 最正係Linda姐命令所有人msn block晒屎忽boss,如果唔係炒我0地個野真係無得頂 0個一刻我先知點解我0係屋企個屎忽boss係咁叫我做野又無人online send野比我 自此之後我msn成日 block走屎忽boss,唔再死蠢地比佢知我online 我諗我係呢間公司得到最多0既將會係頂撞老闆同埋唔理老闆0既招數 總知一講起呢個屎忽boss我就可以滔滔不絕 好彩我只做summer 不過我深信經歷0呢過屎忽boss之後 我第時會更容易遇到一0的我認為好0既boss~~~ **畢左業真係出黎做野覺得辛苦0個陣我要睇番呢一篇entry 希望我唔好折墮地覺得呢個屎忽boss其實好好 ** | | |
| 唔經唔覺份summer job都做左個幾月 而家先發現原來我考完試之後無抖過就開始做 唔怪得我會覺得overload msn online對我黎講變得越黎越恐怖,無數0既offline message不斷提醒我要做0的咩 ad hoc唔應該成為一個習慣,我無可能24小時完全奉獻 好唔容易避開佢0地8日上北京,奈何去之前同去之後都係有咁多野等住我做 我開始懷疑佢0地0的野係咪真係咁urgent, 如果係0既話,點解0的野都係由我走個日話趕 結果8日之後又係我返黎modify 呢份工令我經想變箭豬 而家0既我只希望快0的到9月 只要一到9月,我就可以同佢0地say goodbye | | |
| 終於去完個Beijing勞改團啦~~~ 好彩又比我遇到一班賤嘴朋友,如果唔係我都幾難過...... 上了京的我即使每日過住軍訓式0既生活,都不忘我可愛0既蘇菲小朋友 所以~~~你最多手信啦~~~!!! 登登~~!!!!!  
呢套衫同對鞋我一見到就知一定好襯你  
Fit Size!!!!!不枉我走偏王府井同南鑼古巷!!!!! 
無見一個星期, 你還記我嗎??? | | |
| 唔經唔覺,今日已經係我同蘇菲小朋友同居0既最後一日了...... 其實你仲會住多一個星期,奈何我聽日開始就會上京一個星期......好後悔中計...... 我會好掛住你嫁~~~~~我唔理呀~~以後0既星期六日我都要捉你返黎!!!!!!!! 唔知你大個仲會唔會記得曾經0係我屋企住過4個月呢~~~係足足4個月呀!!!!! 呢4個月0既你 由起左只係識一"pet"野咁訓0係0度變到而家日日坐住架學行車飄移 由一0的反應都唔比到而家"mum mum mum"咁駁嘴 由唔跟我0地到而家痴身痴世 由無牙到而家有兩隻好細好細0既牙仔 由唔肯食粥到而家咩都要食 由肥妹仔變成大肥妹 越講越唔捨得你啦...... 我去0左exchange 0個半年見你唔到你會唔會唔記得0左我係邊個嫁...... 我係你個Best Friend細表姨呀~~~成日陪你玩0個個呀~~ 只有我可以用揹帶揹住你周圍跑嫁ja~~!!!係跑呀!!!  我仍然鍾意映坐塔0既你~
  呢個袋真係咁好玩?
  呢期你好鍾意碌地沙
  扮下BB model 啦~
  唱K啦Baby~
  街童
| | |
|
